Бензинот поскапува, дизелот не!
Објавено во: Економија 09 Јануари, 2017
Регулаторната комисија за енергетика денеска ги корегираше цените на нафтените деривати. По измените, од ноќеска на полноќ бензините поскапуваат за половина денар, додека дизелот останува со непромената цена.
Тоа значи дека возачите ЕУРОСУПЕР БС-95 ќе точат за 67 денари, а ЕУРОСУПЕР БС-98 69 денари за литар.
ЕУРОДИЗЕЛ (Д-Е V) останува 53,5, а екстра лесното масло за домаќинство (ЕЛ-1) 42 денари за литар.
Зголемување на цената бележи мазутот кој ќе изнесува 28,827 денари за килограм.
Од РКЕ велат дека зголемувањето на цените се должи на повисоката цена на суровата нафта на светскиот пазар за 1,6 отсто.
Овие цени ќе важат во следните две недели.