Бизнисмените од коморите на традиционален деловен појадок со премиерот Заев
Објавено во: Економија 19 Јули, 2017
Премиерот Зоран Заев ќе го одржи својот прв деловен појадок со голем број на бизнисмени од над 200 компании членови на Сојуз на стопански комори на Македонија (ССК). Станува збор за традиција на која се среќаваат владиниот тим за економија и бизнисмените.
Денеска пред гостите официјални обраќања предвидено е да имаат премиерот Зоран Заев и претседателката на ССК Данела Арсовска.
На појадокот ќе се дискутира за најзначајните економски прашања, a ќе биде доставен и презентиран пакет на 75 мерки за структурни економски реформи во Македонија. Претставниците на деловната заедница пред ресорните министри ќе ги презентираат предизвиците со кои се соочуваат и ќе понудат предлози за надминување врз основа на утврдена соодветна анализа, позитивни деловни практики и компаративни искуства.
Пакетот од 75 мерки е во насока на хармонизација со препораките на ЕУ за неопходноста од спроведување на структурните реформи за подобрување на инвестициската клима во специфичните сектори, потоа регионална економска интеграција и приближувањето кон единствениот пазар на ЕУ.