Боемската улица во Скопје се проширува
Објавено во: Стил 27 Март, 2016
Познатата „боемска улица” во Скопје ќе добие продолжение. Улицата Ѓорги Пешков ќе се прошири од кафеаната „Идадија” до Градежниот факултет.
Ова го најавија вчера од општина Центар.
Пешачкиот дел ќе се протега од кафеаната „Идадија“ до Основното училиште „Коле Неделковски“, а двете улици ќе се поврзат со подигнување на коловозот на улицата Орце Николов.
Од општината нагласија дека улицата нема да биде целосно затворена, туку во употреба ќе биде оставена една коловозна лента, а сообраќајот секој ден ќе биде затворен од 20 часот до полноќ.
