Бошњаковски за бонусите во ДИК: Владата нема ингеренции да интервенира
Објавено во: Македонија 06 Декември, 2017
Државната изборна комисија (ДИК) е независна институција и Владата не може да се меша во тоа како комисијата си го распределува буџетот, изјави портпаролот на Владата, Миле Бошњаковски, на денешниот брифинг со новинарите.
„Свесни сме дека и медиумите и јавноста бурно реагираа на одлуките на членовите на ДИК да си доделат бонуси, но што се однесува до Владата, таа нема ингеренции да интервенира. За тоа треба да ги прашате во ДИК“- рече тој.
Инаку, членовите на ДИК вчера соопштија дека ќе ги вратат парите или ќе ги донираат, а дел од нив кажаа дека парите ги заслужиле и дека нивниот труд не се цени.