Чинговски негира незаконско работење, тврди се е легално
Објавено во: Економија 07 Октомври, 2016
СЈО подолго време ја „чешла“ тендерската документација во РЕК Битола.
Станува збор за период во кој еден дел директоруваше и Влатко Чингоски, кој од функцијата си замина во 2012 година. Од тоа време датираат и дел од прислушуваните разговори што ги објави опозицијата, а во кои според нив се слуша гласот на Чинговски кого СДСМ го обвинија за незаконско работење.
Чинговски во изјава за 24 вести ги негира обвинувањата.
„Нема ништо. Сè е легално“ - рече тој.
Опозицијата во дел од бомбите тврдеше дека двајца познати бизнисмени ги земале најголемите тендери за ископ. Според истражувањето што го објави Фокус, Силјан Мицевски и Сеад Кочан за 4 години добиле тендери во висина над 160 милиони евра.
„Јас не знам што бараат тие господа. Но, во секој случај добро е нека види што мисли дека има. Јас не мислам дека нешто може, барем за нашата работа, што таму бара, јас не знам, но нека си ја брка својата работа. За тоа се во крајна линија формирани и треба да си ја завршат работата“ - вели Мицевски.
ЕЛЕМ најголем дел од парите ги троши за РЕК Битола како клучен енергетски капацитет. Токму од термоцентралата се произведува две третини од домашното производство.