Д-Р КОСТОВ ЗА ФАКТОР, МАРЈАН-ДОКАЗ ИМА ЗНАЦИ НА КАРДИОМИОПАТИЈА: „Го задржавме на лекување“

Добивај вести на Viber

За здравствената состојба на Марјан Стаменковски, сопственик на порталот „Доказ“ детали ни соопшти директорот на ГОБ „8 Септември“, д-р Христијан Костов, кој вели дека ги прават сите иследувања откако пациентот е хоспитализиран во нивната установа.

-Пациентот има срцева слабост, а во болницата кај нас е донесен пред се заради тоа што во притворот се пожалил на потешкотии во дишењето. Резултатите од крвната слика покажаа повисоки параметри на ЦРП, најверојатно заради срцевата слабост. Исто така има нерегулиран шекер. Веднаш е направена рентен снимка на граден кош, како и ехо на абдомен. Покажува знаци на кадриомиопатија. Сега му се даваат лекарства за декомпензација на срцето, а откако ваквата состојба ќе му се стабилизира ќе му се направи коронарографија. Тоа најверојатно ќе биде за ден-два, изјави д-р Костов за Фактор.

Инаку, претходно сопственикот на „Доказ“ бил примен на Клиниката за кардиологија на скопските клиники, но оттаму на негово барање се вратил во затворот во Шутка. Откако состојбата не му се подобрила, денеска итно е хоспитализиран во ГОБ „8 Септември.

Се гони за две кривични дела – ширење на расистички и ксенофобичен материјал по пат на компјутерски систем, а потоа и уцена, пиратерија на аудиовизуелно дело, злоупотреба на лични податоци, заради што повеќе од еден месец е во притвор.