Дали муслиманите од БиХ се терористичка закана за Европа?
Објавено во: Балкан 13 Септември, 2017
Муслиманите во Босна и Херцеговина не претставуваат терористичка закана за Европа, изјави претседавачот на Советот на министри на БиХ, Денис Звиздиќ.
Тој смета дека таквите обвинувања се политички мотивирани. Според него, таквите тврдења може да ги одвратат инвеститорите и туристите кои ја посетуваат БиХ.
Звиздиќ ги отфрли коментарите на некои европски лидери дека муслиманите во Босна отворено покажале поддршка за екстремистичката група „Исламска држава“.
Рече дека досега немало инцидент што може да се карактеризира како акт на тероризам, и дека властите во БиХ работат да спречат какви било инциденти.
Безбедносни агенции во БиХ велат дека 240 лица ја напуштиле земјата за да се борат за групата „Исламска држава“ во изминатите пет години. Од нив 44 се вратиле, а 23 се затворени.