Дали САД ја провоцираат Северна Кореја?
Објавено во: Свет 24 Ноември, 2017
Рускиот министер за надворешни работи, Сергеј Лавров деновиве ги обвини САД дека ја провоцираат Северна Кореја за да се свртат кон воена опција во решавањето на севернокорејскиот нуклеарен проблем.
„Загрижува што во последните два месеца во кои Северна Кореја не изведуваше експерименти и не лансираше ракети, Вашингтон не изгледаше задоволно и како да се обидуваше да го иритира или провоцира Пјонгјанг“- изјави Лавров.
Во октомври морнариците на САД и Јужна Кореја заедно изведуваа поморска вежба, нова демонстрација на сила кон Северна Кореја.
Во неколку наврати остри зборови си разменија лидерот на Северна Кореја, Ким Џонг Ун и американскиот претседател, Доналд Трамп.