Дендиас: Преспанскиот договор треба да се толкува
Објавено во: Балкан 14 Октомври, 2019
Никос Дендиас, министерот за надворешни работи, во интервју за „Катимерини“ вели дека Преспанскиот договор „треба правилно да се толкува“. Според шефот на грчката дипломатија, самиот документ тоа го овозможува и има простор за маневар.
- Во однос на Владата на Македонија јасно е дека треба строго и точно да се придржуваат до обврските што произлегуваат од Договорот од Преспа. Во ова е вклучено и точното толкување, бидејќи секој правен текст, па дури и најкомплетниот и најдеталниот правен текст има простор за толкување. Сакаме да се согласиме со Владата на Македонија за правилно толкување на договорот. Да ги решиме проблемите со производите. Да ги заштитиме интересите на грчките бизниси на позитивен начин за целиот регион. Да се почитува се што е предвидено за прашањата на културното наследство на античка Грција, вели Дендиас.
Ова министерот за надворешни работи на Грција го вели пред Советот за надворешни прашања на ЕУ во Луксембург како подготовката за претстојниот Совет на ЕУ на 17 и 18 октомври.