Денеска пензии за тие до 11.000 денари: Од утре повисоките
Објавено во: Економија 28 Декември, 2020
Од денеска почнува етапната исплата на декемвриските пензии. Станува збор за предвремена исплата на пензиите поради потребата да не се создаваат гужви во банките за поголема заштита.
Се прави за да ги подигнат парите во етапи сите пензионери кои немаат картички.Исплатата ќе биде во четри групи.
Во понеделник, на 28.12.2020 година исплата на пензии со висина до 11.000 денари;
Во вторник , на 29.12.2020 година исплата на пензии во висина од 11.001 денари до 14.000 денари;
Во среда, на 30.12.2020 година исплата на пензии во висина од 14.001 денари до 18.000 денари;
Во четврток, на 31.10. 2020 година исплата на пензии во висина над 18.000 денари.
Пензионерите кои користат платежна картичка, поврзана со сметката на која се префрлува пензијата, со парите можат да располагаат од понеделник 28 декември . Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.