Деспотовски за Фактор: Изгубената доверба меѓу луѓето, главен фактор за економската криза
Објавено во: Економија 04 Мај, 2020
70 отсто од компаниите во изминатиов период пријавија постоење на барем еден од наведени шест групи на ризици во изготвен прашалник од страна на Фондот за иновации и технолошки развој.
-59 проценти од компаниите предлагаат и очекуваат некаква поддршка од државата за справување со последиците од кризата. Од наведените ризици, убедливо најголем дел од фирмите (околу 60%) пријавиле ризик со пазарот и генерирање на приходи. Нешто помалку пријавиле проблем со финансиските капацитети, па со организацијата на работењето, вели во денешното интервју за Фактор, првиот човек на ФИТР, Јован Деспотовски.
Смета дека најголемиот елемент на економската криза во периодот на пандемијата на коронавирусот е нарушената доверба на луѓето, која од своја страна силно ги определува и одлуките за инвестирање и потрошувачка (пазарот).
-И токму начинот на реакција на државата и политиката ќе влијае врз тоа колку брзо оваа доверба ќе се врати и колку побрзо луѓето, фирмите ќе се вратат на потребите и побарувачката кои реално постојат. Можеби изменети и прилагодени на пост-кризниот период, но дефинитивно постојат и секако не помали по обем, вели Деспотовски.