ДИК повика граѓаните да направат увид во избирачкиот список
Објавено во: Македонија 12 Мај, 2017
Државната изборна комисија на веб-страницата апелира до граѓаните да направат увид на податоците во Избирачкиот список.
Од ДИК додаваат дека доколку сметаат дека е потребно, да побараат измена, дополнување или бришење на податоците. Барањата за измена, дополнување или бришење на податоците во Избирачкиот список, граѓаните ги поднесуваат во Подрачните одделенија и канцеларии на Државната изборна комисија.
Јавниот увид може да се изврши на официјалната веб страница на Државната изборна комисија и во подрачните одделенија и канцеларии на Државната изборна комисија.
Избирачкиот список кој се става на јавен увид е направен со податоци на граѓаните кои заклучно со 1 февруари 2017 година, станале полнолетни.
Ова се случува во период кога е доведен во прашање мандатот на градоначалниците, а не се закажани ниту локалните избори. Неизвесно е кога ќе се одржат локалните избори. Претседателот на Собранието Талат Џафери ги известил пратениците во Собранието дека треба да се изнајде решение за функционирањето на општините, поради неодржувањето на локалните избори во законски пропишаните рокови.