„Диор“ ќе ја презентира новата маркетинг стратегија во Скопје
Објавено во: Мои пари 06 Септември, 2019
Глобалниот директор за дигитален маркетинг на светски познатиот бренд „Диор“, Акаш Мехта, на 13 септември годинава ќе биде еден од панелистите на Балканскиот претприемачки самит, на кој ќе го презентира новото „откритие“ на еден од најлуксузните модни брендови во светот – „Диор“.
-Вештачката интелигенција ја заменивме со вештачко влијание. „Диор“ работи на ова ново откритие на бихeвиоралните однесувања на луѓето на социјалните медиуми со тим од истражувачи, психолози и доктори веќе неколку месеци во Калифорнија. Среќен сум што за првпат доаѓам во Скопје каде ќе добиете ексклузивна изјава за она што ќе биде иднината на дигиталниот маркетинг, - вели Акаш Мехта, глобален директор на дигитален маркетинг во „Диор“.
Мехта ја започнал кариерата на 22 години како најмлад менаџер на „Есте Лаудер“, гигант кој стои зад најпознатите козметички брендови, а на 25 години станал најмладиот сениор глобален директор на дигитален маркетинг во „Диор“. На „Диор“, Мехта му донесе повеќе од 50 милиони САД долари профитна вредност со вклучување на микро инфлуенсери, социјални медиуми и партнерски маркетинг (affiliate marketing). Мехта ги зголеми за три пати продажбите преку инфлуенсерите и создаде посебна платформа за претпродажба на „Диор“ за инфлуенсери и медиуми. Акаш секоја година е спикер на Форумот на „Луи Витон“ и Конференцијата на магазинот „Вог“.
На покана на Стопанската комора на Македонија и Центарот на неформално образование Creative Hub, Акаш Мехта ќе биде еден од панелистите на Балканскиот претприемачки самит и ќе говори на тема: „Вештачко влијание, новата ДНК на дигиталниот маркетинг“. Покрај Мехта, пред учесниците на Самитот ќе говорат и: Васил Наци, основач и претседател на „Агна Груп“ со нето вредност над 500 милиони САД долари, Еван Лутра од Индија, сериски претприемач, почесен докторант и говорник на Економскиот форум во Давос, Евгениј Ангелов, претседател на Бугарската асоцијација за вентуре капитал, партнер во „Постскриптум вентурес“, како и многу други истакнати претприемачи од регионот и пошироко.
Повеќе информации за Самитот, како и за начинот на регистрирање можете да најдете на следниот линк.
Михајло Донев
Можеби ќе ве интересира
Одбројуваме уште 15 дена до Конференцијата за комерцијални недвижности
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
