Дожд и до 30 литри на квадрат - кога времето ќе се стабилизира?
Објавено во: Македонија 16 Мај, 2017
Времето денеска во земјава ќе биде променливо облачно, со кратки сончеви периоди и повремени локални врнежи од дожд.
На места ќе има и појава на грмежи, посебно во југоисточните делови од земјата.
Ќе дува умерен до засилен северен ветер, а дневната температура ќе се движи од 14 до 25 степени.
Во Скопје времето ќе биде сончево со умерена облачност. Во попладневните часови ќе има нестабилна облачност со краткотраен пороен дожд и со појава на грмежи. Дневната температура ќе достигне до 22 степени. Во Маврово максималната дневна температура ќе биде 14, Охрид 19, Битола 22, Кавадарци 23, Крива Паланка 21, Берово 20, Дојран 25 степени.
Од денеска во попладневните часови до четврток се очекува нашето подрачје да биде под влажен и нестабилен воздушен бран. Ќе преовладува променливо облачно време со сончеви периоди, но и со повремени локални врнежи од дожд. На одредени места ќе има и нестабилна облачност со повремен пороен дожд и грмежи, особено денеска и утре.
Обилни врнежи се очекуваат во јужните и источните делови на Македонија, а во некои делови се очекува да наврнат над 30 л/м2 воден талог.
Температурата на воздухот ќе опадне за 5 до 6 степени.
Од четврток во попладневните часови се очекува повторно стабилизирање и извесно затоплување на времето.