17 Декември, 2017
0.4138
    ALK 7304.71    0%     CEVI 1144    0%     GRNT 762.38    0.86%     KJUBI 1400    0%     KMB 2700    0.01%     OHB 4767.86    -0.67%     RMDEN15 95.1    0.11%     RZUS 107.89    1.78%     STB 910    -1.09%     STIL 127    -2.31%     TNB 13100    0%     TPLF 1500    -1.69%     UNI 1870    -1.03%     ZILU 151    -2.58%

Дознајте ги актуелните светски трендови на Саемот на мебел 2017 од 21.03 – 26.03.2017

Објавено во: Мои пари 17 Март, 2017

43-от Меѓународен саем на мебел, опрема за домаќинства и јавни објекти, репроматеријали и машини за индустријата на мебел - МЕБЕЛ 2017 започнува на 21-ви и ќе трае до 26-ти март.

Саемот на мебел е една од најатрактивните манифестации во Македонија и пошироко поради оригиналноста на декорираните простори и понудата на  мебел по сечиј вкус. Над 50.000 посетители секоја година ги минуваат штандовите на МЕБЕЛ, а учество ќе земат повеќе од 400 домашни и странски изложувачи. Има учесници од Србија, Хрватска, Грција, Италија, Босна и Херцеговина  и Словенија.

Со почетокот на пролетта традиционално се отвора Саемот на мебел кој ги нуди најоригиналните дизајни за уредување на домот и овозможува посетителите да бидат во тек со светските трендови за модерните кујни и елегантни бањи, осветлување, подови и ѕидни декорации, материјали за тапацирање, канцелариски мебел, мебел за јавни објекти, како и најновите технички и технолошки достигнувања на репроматеријали, машини и опрема за обработка на дрво кои заслужуваат целосно внимание. За време на МЕБЕЛ 2017 учество ќе земат и повеќе банки и осигурителни компании кои на посетителите ќе им ги понудат поволностите за кредитирање и осигурување на своите домови. Исто така, и самите изложувачи ќе имаат свои изненадувања и поволности за посетителите како дел од своите понуди.

Веќе две години по ред изложбениот простор опфаќа 11 хали со мебел и опрема за домаќинства, како и една хала наменета за машини и репроматеријали за индустријата за производство на мебел.

Оваа година во состав на Саемот за мебел ќе учествуваат и УРБАНОЛД кои повеќе години редизајнираат стари парчиња на мебел. Нивната работа претставува уникатен пристап во освежувањето на чувствата кои во минатото доминирале во домот. Секое парче мебел има своја приказна која е врзана со одредено време, локација, семејство или култура. Сите заинтересирани за обновување на незаменливи парчиња мебел може да ги посетат УРБАНОЛД на овогодинешниот Саем на мебел.

Овогодинешниот Саем за мебел ќе им понуди интересен шопинг предизвик на посетителите кои за да учествуваат во истиот ќе мора да го посетат Саемот, да направат фотографија од нивното омилено парче мебел и истото да го објават на нивниот Фејсбук профил како јавен пост, со хаштагот #МоетоОмиленоПарчеМебел. Откако, ќе го направат тоа, фотографиите со најмногу лајкови ќе бидат наградени со вредносни ваучери од 300, 500 и 700 евра.

Доделувањето на ваучерите е на ден 26.03.2017 во 16,00 часот.

Исто така, традиционално ќе се организира стручно оценување на пријавени експонати и ќе бидат доделени признанија на најдобрите учесници на саемот, во две категории: производители и трговци. Стручната комисија е составена од претставници од Архитектонски факултет, Факултетот за дизајн и технологија на мебел, Асоцијација на архитекти, Кластерот на дрвна индустрија и од Министерство за економија на Македонија.

Доделувањето е на ден 23.03.2017 година, во 20,00 часот во Управната зграда на саемот.

43-от Меѓународен саем за мебел 2017 ќе се одржи од 21.03 - 26.03.2017 година.

Саемот ќе биде отворен од 10,00 до 20,00 часот, цената на влезницата е 100 денари, а за групни посети и студенти 50 денари.

Сакате да бидете во тренд и да бидете свои?! Посетете го Саемот за Мебел и стекнете се со нова перспектива за уредување на вашиот дом.

Можеби ќе ве интересира

УНИКАТНО ОСВЕТЛУВАЊЕ НА НОВОГОДИШНАТА ЕЛКА ВО СКОПЈЕ СИТИ МОЛ

УНИКАТНО ОСВЕТЛУВАЊЕ НА НОВОГОДИШНАТА ЕЛКА ВО СКОПЈЕ СИТИ МОЛ

Пристигнати 30 проектни предлози на јавинот повик за финансирање на проекти за намалување на загадувањето на воздухот „О2 предизвик“

Пристигнати 30 проектни предлози на јавинот повик за финансирање на проекти за намалување на загадувањето на воздухот „О2 предизвик“

“За чист град пазари со Mastercard на Охридска банка Сосиете Женерал”

“За чист град пазари со Mastercard на Охридска банка Сосиете Женерал”

Презентација на бизнис идеите на учесниците во CEED HUB Скопје

Презентација на бизнис идеите на учесниците во CEED HUB Скопје

ИЛИРИКА ЈА ПРЕЗЕМА ДЕЈНОСТА ОД БЕЛГРАДСКИОТ WISE БРОКЕР

ИЛИРИКА ЈА ПРЕЗЕМА ДЕЈНОСТА ОД БЕЛГРАДСКИОТ WISE БРОКЕР

Иновативен камп за поттикнување претприемнички дух кај младите

Иновативен камп за поттикнување претприемнички дух кај младите

Заедничка хуманитарна акција на „Тиквеш“ и посетителите на Фестивалот на младо вино 2017

Заедничка хуманитарна акција на „Тиквеш“ и посетителите на Фестивалот на младо вино 2017

НОВИОТ КОМПАКТЕН SUV CITROËN C3 AIRCROSS ЈА ДОБИ НАГРАДАТА AUTOBEST 2018

НОВИОТ КОМПАКТЕН SUV CITROËN C3 AIRCROSS ЈА ДОБИ НАГРАДАТА AUTOBEST 2018

САШКО КОЦЕВ ВО „ЕДЕН НА ЕДЕН“: Седум дена славев мекици (ВИДЕО)

САШКО КОЦЕВ ВО „ЕДЕН НА ЕДЕН“: Седум дена славев мекици (ВИДЕО)