ДВАНАЕСЕТ МИЛИОНИ СИРИЈЦИ РАСЕЛЕНИ ПО СВЕТОТ: Рекорден број на бегалци во светот
Објавено во: Свет 20 Јуни, 2017
Лани имало најголем број на раселени лица во светот.
Рекордни 65,6 милиони луѓе биле принудени да ги напуштат своите домови до крајот на минатата година поради војни, насилство и прогон.
Оваа бројка е скок од 300.000 раселени лица од крајот на 2015 година, но е за повеќе од 6 милиони поголема од крајот на 2014 година, тои во извештајот на УНХЦР.
„Ова е неприфатлив број, кој сведочи погласно од кога било за потребата од солидарност и од заедништво во решавање на кризата“ – изјави шефот на УНХЦР, Филипо Гранди.
Светот се чини дека не е е во состојба да создаде мир, изјави Гранди.Според него, присилното раселување е симбол за војни кои никогаш не завршуваат.
Најмногу раселени има од Сирија – 12 милиони, потоа Колумбија со 7,7 милиони, 4,7 Авганистанци, 4,2 милиони Ирачани и 3,3 милиони луѓе од Јужен Судан.
Сирија е единствената држава во која мнозинството од населението е присилно раселено, а во Јужен Судан раселени се над една четвртина од жителите.