Еден осомничен за за силување на 13-годишната штитеничка од Домот 25-ти мај
Објавено во: Македонија 24 Февруари, 2018
Јавното обвинителството има еден осомничен за силување на 13-годишната штитеничка од Домот 25-ти мај, потврдија за Телма извори од истрагата. Од осомничениот е земен примерок за ДНК анализа која е отпочната вчера.
Истрагата бара ДНК профилот на осомничениот да биде спореден со ДНК профил на непознат маж кој е откриен при медицински преглед на девојчето лани во ноември. Тогаш малолетната жртва била најдена полугола и боса во бесознание на улица во Велес. При медицинските прегледи било утврдено дека девојчето веќе преживеало силување, а најден е примерок со која е утврден ДНК профилот на мажот кој ја злоупотребил.
Податоци биле доставени до велешкото обвинителство кое работело на случајот, но истрагата ја презеде обвинителството за организиран криминал откако скандалот со малтретирањето и државната негрижа на девојчето беше објавен од ромска невладина организација од Будимпешта.
13-годишното девојче било бремено од злоставувањето, а минатата среда и е извршен абортус. Покрај ова ДНК анализа, форензичарите и судска медицина се обидуваат да направат и ДНК профили од материјали од абортусот, преку кои може да се утврди ДНК на таткото, но и на други можни напаѓачи на малолетната штитетничка.
Министерството за труд и социјална политика вчера поднесе кривични пријави против 11 старатели и социјални работници од скопскиот центар кои требало да се грижат за девојчето во периодот кога се извршени серија злоставувања и силувања врз неа.
Министерството ги товари своите вработени за делата запуштање на малолетни деца и за несовесно работење во службата.