Г-7 самит: Економија, безбедност и климатски промени

Добивај вести на Viber

Под мотото „Борба против нееднаквостите“ и во пресрет на невидени разлики, лидерите на земјите учеснички на Г-7, ќе бараат компромис за глобалните економски и климатски прашања.

Трговската војна, пожарите во џунглата во Амазон, такси на интернет гиганти, климатските промени, Брегзит, сите жешки и контроверзни теми се на агендата на состанокот на лидерите на водечките светски економии.

„Сакам оваа средба на Г-7 да биде корисна“, рече францускиот претседател Емануел Макрон во специјалното телевизиско обраќање до Французите. Тој вети дека ќе стори сé за да донесе конкретни одлуки.

Макрон вети конкретни инвестиции за заштита на шумите и океаните. Во обид да се реши несогласувањето, тој оствари прелиминарна импровизирана средба со американскиот претседател Доналд Трамп.

Разговорите меѓу Трамп и британскиот премиер Борис Џонсон, исто така, се сметаа за клучни. Повеќето лидери се претпазливи во врска со резултатите од состанокот.

За безбедноста на водачите, Бијариц бил опкружен и чуван од 13.000 полицајци. Недалеку од областа, илјадници демонстранти марширале против средбата на Г-7.

Г-7, односно Група Седум е организација составена од седум држави со најголеми, т.н. напредни економии во светот: Канада, Франција, Германија, Италија, Јапонија, Велика Британија и САД.

Фото You tube