ЕКОНОМИЈАТА НА КОЛЕНА: Во Европа повеќе од 7 милиони туристички работници остануваат без работа

Добивај вести на Viber

Корона кризата ќе остави без работа 7 милиони туристички работници во Европа.

Претстојната туристичка сезона за граѓаните на Европската унија ќе биде многу поразлична од претходните години, бидејќи повеќето и не планираат да одат на летен одмор, пишува американскиот портал „Политико“.

Во овој сектор во ЕУ се вработени 22,6 милиони лица или 11,2 отсто од вкупно вработените во Унијата. 

Туризмот во економијата на ЕУ учествува со 9,5 отсто.

Во Шпанија и во Италија, земјите членки кои се најпогодени од пандемијата, учеството на туризмот во економијата е уште поголем, над 14 отсто, односно повеќе од 13 отсто. 

Туристичките агенции ќе изгубат 70 отсто од заработувачката, а за авио-компаниите и фирмите кои организираат крстарења со брод, тој процент изнесува 90 отсто.

Поради тоа се очекува дека 50 милиони работни места во туризмот, ширум светот, ќе останат затворени, оценува „Политико“.

Грција ја нагласи потребата за формирање заеднички протоколи за аеродромите, хотелите, јавниот превоз, угостителството и слично како и формирање Фонд за закрепнување за туризмот на европско ниво.

Властите во Италија и Франција, ги повикаа граѓаните наместо во странство, одморот да го поминат во своите земји.

Австрија планира да дозволи влез на туристи кои доаѓаат од земјите кои успеале да се справат со пандемијата, како што е Германија.