Екс директорот на УЈП, Горан Трајковски, доаѓа на кормилото на Еуростандард банка
Објавено во: Финансии 10 Декември, 2019
Горан Трајковски, поранешен директор на Управата за јавни приходи, седнува на кормилото на Еуростандард банка.
На наеговата позиција во банката претходно долги години беше Николче Петковски.
Доаѓањето на Горан Трајковски на челната позиција на Еуростандард банка, во интервју за Фактор ја потврди сопственикот на банката, Трифун Костовски.
Трајковски, како што објасни Костовски, засега делува како втор генерален директор, но веќе е предложен за местото прв човек на банката. Набргу ќе се одлучи и кој ќе го заземе местото втор генерален директор.
„Сега за сега како втор генерален директор делува Горан Трајковски, а веќе е предложен да добие место прв генерален директор. А за вториот генерален директор овие денови треба да одлучиме. Најверојатно ќе биде еден од вработените во банката. Имаме неколку кандидати, но најмногу се издвојува еден сериозен кандидат, кој и со искуството, и со лојалноста кон банката, сметам дека би бил идеален за генерален директор“, вели за Фактор Костовски.
Костовски смета дека банката, со доаѓањето на Трајковски на челната позиција, ќе добие многу.
„Тој е овде, и сметам дека со неговото доаѓање банката добива многу. Тој е тука од средината на мај, но од претходното раководство беше на извесен начин ставен во „шок соба“, што значи дека активно е тука неполни четири месеци, и сметам дека резултатие се видливи со неговото доаѓање“, објаснува Костовски.
За претходното раководство вели дека не сака да коментира, но ќе се поведе постапка за легитимноста на нивните одлуки, пред се заради лошите пласмани, кои Еуростандард банка ја доведоа до загуби.
Костовски во интервјуто објаснува дека банката објективно минувала низ еден тежок период.
„Тогаш влеговме во преговори и потпишавме спогодба за евнтуално меѓусебно договарање со Комерцијална банка за наше преземање. Меѓутоа, не се најдовме тука, и едноставно секој тргна по својот пат. Денеска банката е веќе стабилизирана, докапитализирана, таа е функционална, и очекувам дека со тек на време ќе ги надминеме сите оние лоши пласмани во правни лица. Имаме нов менаџмент, кој треба да биде комплетиран до крајот на оваа година, кој ќе ја преземе работата на банката“, вели Костовски.
Горан Трајковски раководеше со УЈП за време на претходната владејачка гарнитура.
( Н.Н.Ф.)
Можеби ќе ве интересира
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
