Eмануел и Брижит Макрон сами си ги покриваат трошоците?
Објавено во: Свет 29 Април, 2018
Претседателот на Франција, Емануел Макрон и неговата сопруга Брижит Макрон сите лични трошоци ги плаќаат од свој џеб, наведува весникот „Паризијен“.
Тоа значи трошоци од типот на пари за паста за заби, приватни патувања и храна за кучето по име Немо, нивниот миленик во Елисејската палата.
„Брижит и Емануел Макрон секогаш со себе носат чековна книшка и банкарска картичка“- пишува весникот.
Во тесктот се вели дека поради безбедноста на приватните патувања, претседателската двојка мора да користи државен транспорт, така што кога приватно патуваат со авион, тие во министерството за одбрана плаќаат билети како што тоа би го направиле во комерцијален лет на „Ер Франс“.
Брижит Макрон, која важи за обожавателка на високата мода самостојно плаќа за својата облека, освен ако не станува збор за позајмица од некоја позната модна куќа, како „Диор“.
Тие, исто така, плаќаат и данок за престој, кој е задолжителен за сите француски граѓани. Весникот додава дека на овој начин во минатото постапувале и некои претходни француски претседатели како Франсоа Оланд и Шарл де Гол.
ФОТО Паризијен