Добивај вести на Viber
На Европската централна банка и е забрането да учествува во преструктуирање на грчкиот долг, бидејќи тоа би било исто како да печати пари за финансирање на влади, изјави Евалд Новотни, член на Управниот совет на ЕЦБ. Според него, простување на долгот не е можно бидејќи тоа ќе биде индиректно државно финансирање, а ЕЦБ не смее да си дозволи такво вмешување.
Како што пишува германски „Шпигел“, меѓународните кредитори на Грција во последниот извештај предложиле намалување на долгот, но германскиот министер за финансии Волфганг Шојбле го отфрли преструктуирање на долгот, велејќи дека е нереално да се очекува јавни или приватни сопственици на обврзници да претрпат понатамошни загуби на нивните грчки инвестиции.
ЕЦБ поседува околу 45 милијарди евра од грчките обврзници купени како дел од сега веќе прекинатата програма за продажба на хартии од вредност, јавува Блумберг.