Eвропска држава протерува имами и ќе затвора џамии
Објавено во: Свет 08 Јуни, 2018
Австриската десничарска Влада ќе затвори седум џамии и ќе протера околу 60 имами во борбата против „политичкиот ислам“ и странското финансирање на џамиите.
Се вели дека ова „е само почеток“ на притисокот против исламистичката идеологија и странското финансирање на религиозни групи.
Австрискиот канцелар, Себастијан Курц кажа дека неговата Влада ќе ја затвори турската џамија во Виена и ќе ја распушти Арапската верска заедница, која води шест џамии.
Седумте џамии ќе бидат затворени по истрагата на верските властите за сликите што се појавија во април со деца во џамија поддржана од Турција како глумат мртви во реконструкција на битката на Галиполи од Првата светска војна, меѓу Антантата и Отоманската Империја.
На фотографиите со децата, објавени од неделникот Фалтер, се гледаа млади момчиња во маскирни униформи што маршираа, поздравуваат, мавтаат со турски знамиња и потоа глумат дека се мртви.
Нивните „трупови“ потоа се наредени и завиткани во знамињата.
Џамијата ќе биде затворена врз основа на закон од 2015 година со кој се забранува финансирањето џамии од странство и им се наметнува на муслиманските заедници обврска да имаат „позитивно основно гледиште кон австриската држава и општество“, пренесе Ројтерс.