Еврото расте со рејтингот на Макрон - Судбините на Франција и ЕУ се врзани
Објавено во: Економија 05 Мај, 2017
Ако се земе во предвид движењето на вредноста на еврото која постојано расте заедно со рејтингот на кандидатот Макрон се доаѓа до заклучок дека судбините на Франција и еврозоната се меѓусебно силно поврзани.
Така на само неколку дена до одржување на претседателските избори во Франција со благото водство на Макрон пред ултра десничарката Марин Ле Пен еврото стигна до највисоката вредност во последните шест месеци со 1,090 сооднос наспроти американскиот долар што за нијанса е помалку од највисоката поставена вредност од 1.10.
Макрон не е најголем поддржувач на ЕУ барајќи реформи во бирократијата, додека пак Ле Пен ако победи сосема извесно е дека ќе организира референдум за излез од европското семејство, па Франција како една од најважните земји може да предизвика сериозен удар врз еврозоната.