Фактор анкета: Пола пола за владините мерки, помошта во рамки на можностите

Добивај вести на Viber

Владата предложи сет мерки за ублажување на последиците од економската криза предизвикана од ширењето на Ковид - 19. Дел од мерките се за субвенционарање на дел од трошоците кои погодените компании ги имаат за вработените, дел се субвенции за придонесите, има и директни стимулации за лицата кои ќе останат без работа. Иако дел од познавачите се согласија дека станува збор за мерки кои се добредојдени во овој момент, стопанството се жалеше дека има потреба од уште поголема помош.

Што е доволно и колку ќе биде доста? Во јавноста се отворија дилемите може ли Владата да ги покрие сите загуби на домашните компании или барем да им помогне директно со поголеми стимулации во овој момент., Фактор објави анкета во петокот на која читателите можеа да одговараат на три понудени опции во смисла дали мерките се доволни или не. Преовлада мислењето дека предложениот сет мерки е во рамки на можностите, заш то гласале дури половина од тие кои се изјаснија на анкетата. Од 3303 гласа, 1655 се за оваа опција, додека 35 проценти сметаат дека оваа помош е недоволна. 

Модусот дека се потребни посилни мерки бил избор на 15 отсто од граѓаните кои учествуваа во анкетата.