ФАКТОР НА ДЕНОТ: Искршена е таблата на бугарскиот клуб во Охрид, МНР го осуди вандализмот
Објавено во: Македонија 12 Октомври, 2022
ИСКРШЕНА Е ТАБЛАТА НА БУГАРСКИОТ КЛУБ ВО ОХРИД
По само пет дена од отворањето на бугарскиот клуб во Охрид, искршена е таблата на која стоеше испишано името на „Цар Бори Трети“.
Случајот за OhridNews го потврди портпаролот на СВР Охрид, Стефан Димоски. Тој вели дека е пријавено оштетување на таблата со натписот на името на здружението над просторијата на клубот.
МНР ГО ОСУДИ ВАНДАЛСКИОТ ЧИН
Реакција има од Министерството за надворешни работи(МНР) за оштетувањето на таблата на бугарскиот клуб Цар Борис Трети во Охрид кој беше отворен неодамна.
МНР најстрого го осудува вандалскиот чин кој се случи денес во Охрид. Додаваат дека во согласност со Уставот, и според долгогодишната пракса во земјава, сите граѓани имаат еднаква слобода на здружување заради остварување на нивните права и уверувања.
„Ги повикуваме сите надлежни институции да преземат соодветни мерки за овозможување на непречено исполнување на сите со Устав и закон загарантирани човечки и граѓански права и слободи. Истовремено, го повторуваме апелот и до сите граѓани и здруженија на граѓани за зрело и одговорно однесување со почит кон правата и слободите на другите, напоменувајќи дека мултиетничкиот карактер на нашата држава е една од темелните вредности на уставниот поредок, кое претставува право и обврска за секој од нас“, велат од МНР.ЏАФЕРИ ЈА ВРАТИ, НО ЛЕВИЦА ЌЕ ЈА ПРИЛАГОДИ ИНИЦИЈАТИВАТА ЗА РЕФЕРЕНДУМ
Враќањето на иницијативата на Левица за референдум за францускиот предлог е само купување на време според претседателот на Левица, Димитар Апасиев.
Сепак, рече дека тие ќе ја направат корекцијата во дадениот рок и повторно ќе ја поднесат.
„Значи, ова не е ист случај како со претходната иницијатива на ВМРО-ДПМНЕ. Ако правилно го читаме, иницијативата е вратена на корекција, односно спикерот Џафери спротивно, во негов стил силеџиски, како уставен судија, но сега со друга финта ни ја врати да ја усогласиме во рок од 15 дена. Ние впрочем тоа и ќе го направиме“, рече Апасиев во изјава за Сител ТВ.КОВАЧЕВСКИ УВЕРУВА ДЕКА СТРУКАТА АКО ПОСКАПИ, ЌЕ БИДЕ ТОА МИНИМАЛНО
Генералниот директор на АД ЕСМ, Васко Ковачевски вели дека доколку воопшто има зголемување на цената на електричната енергија по 1 јануари, тоа ќе биде минимално.
Објаснува дека со направените вложувања во изминатиот период во сопствена опрема и работата на рудниците на ЕСМ, со рационализација и операционализација на трошоците, намалена е производната цена на РЕК „Битола“ на околу 58 до 60 евра за мегават час произведена електрична енергија.
„Сепак цената на електричната енергија што ја нуди ЕСМ не зависи само од РЕК „Битола“, туку и од другите наши капацитети од кои дел работат на мазут. Па затоа колкаво ќе биде поскапувањето на струјата, доколку го има, ќе зависи од цените на берзите на мазутот, но и на природниот гас што ќе биде неопходен ако во системот се вклучи да работи ТЕ-ТО“, изјави Ковачевски.ЧИТАЈТЕ УШТЕ