ФАКТОР НА ДЕНОТ: Рама од Скопје порача дека ако не се направат уставни измени, Македонија ќе се врати во изолација
Објавено во: Македонија 14 Ноември, 2022
РАМА ВЕЛИ ДЕКА БЕЗ УСТАВНИ ИЗМЕНИ МАКЕДОНИЈА ЌЕ СЕ ВРАТИ НАЗАД
Според албанскиот премиер, Еди Рама, фатално ќе биде ако не се смени Уставот за почеток на преговори со Европската Унија(ЕУ).
Вели дека ќе биде лошо ако по толку работа, Македонија се врати во изолација.
„Судбината беше да се здружат Македонија и Албанија во болка во долг период. За вас беше многу потешко, но и за нас не беше лесен пат. Измените во случајов за вашата земја мислам дека само слабоста, кратковидоста може да ја вратат за да имаме недоразбирање и да се создадат повторно проблеми“, изјави Рама.Се договоривме за иницијативите на Груби за суво пристаниште во Струга и за нов граничен премин Поградец-Струга, вели албанскиот премиер Еди Рама.
Постигнат е договор на денешната заедничка седница на Владите на Македонија и Албанија што се одржа во Скопје.
MAKЕДОНСКА ТУРИСТКА ТУРНАТА ВО ИСТАНБУЛ ВО ПАНИКАТА ПО НАПАДОТ
Од Министерството за надворешни работи и нашите претставништва во Турција нема информации за директно настрадани или повредени македонски државјани, освен тоа дека една туристка од Македонија е турната во паничното стампедо при експлозијата во Истанбул.
– Во меѓувреме една наша државјанка која се наоѓала во близина на инцидентот, пријави во нашиот Конзулат дека индиректно се стекнала со полесни повреди предизвикани од турканиците настанати при оддалечување на луѓето од местото на експлозијата. Информираме дека без поголеми повреди, таа е веќе вратена во земјата, информира МНР.ВМРО-ДПМНЕ ГИ ОБЈАВИ ПОДАТОЦИТЕ ЗА ПЛАТИТЕ НА ДИРЕКТОРИТЕ ВО М-НАВ
Ивица Томовски од ВМРО-ДПМНЕ на денешната прес-конференција ги објави платите на двајца директори во М-НАВ, телото кое ги регулира воздушните прелети во Македонија.
Според опозициската партија, „Афера Паразити“, покажува дека овие двајца функционери именувани од Владата за еден мандат ќе заработат заедно 473.000 евра.
Според Томовски, извршните директори Фахрудин Хамиди и Владо Крстевски на име плата месечно добиваат по 345.000 денари, односно 266.000 денари.НАПАДНАТА НОВИНАРСКА ЕКИПА
Сопственикот на куќата која е пријавена како престојувалиште на Украинецот Олександр Онишченко ја нападна екипата на Тв 24.
Сопственикот на куќата на чија адреса е пријавен дека живее (иако Онишченко никогаш не бил во куќата) Украинецот гонет за корупциски скандали и проституција, најдрско и ги соблекува панталоните и го покажува половиот орган кон камерата.Човекот кој денеска го нападна снимателот на тв 24 Љубиша Игнатов е приведен во полициска станица Кисела Вода, потврдуваат за ТВ 24 од истрагата.ЧИТАЈТЕ УШТЕ