ФАКТОР НА ДЕНОТ: Уапсено е уште едно лице за убиството на лекарот во Железара
Објавено во: Македонија 28 Март, 2024
ДОСЕГА ТРОЈЦА ПРИВЕДЕНИ ЗА УБИСТВОТО НА ЛЕКАРОТ ВО ЖЕЛЕЗАРА
Техничкиот министер за внатрешни работи Панче Тошковски денеска ја информираше јавноста дека е приведено уште едно лице за убиството со девет убоди со нож на матичниот лекар Ацо Трпковски.
- Согласно моите информации, приведено е уште едно лице и сега се три. Претресот е завршен во доцните вечерни часови. Се продолжува со други истражни дејствија за да се утврди фактичката состојба. Штом има други информации,ќе ја информирам јавноста, рече Тошковски при посетата во Струмица.
Синоќа Тошковски во емисија кажа дека мотивите за убиството на докторот не биле поврзани со неговата професија.МАКЕДОНИЈА ЌЕ ТРЕБА ДА ВРАТИ ПАРИ ПОТРОШЕНИ ЗА ИЗМАМИ СО„ ЕРАЗМУС ПЛУС“
Директорот на Националната агенција за европски образовни програми и мобилност, Марко Ѓоргиевски, денеска ја извести јавноста дека е пристигнатото информативно писмо од страна на Генералниот директорат за образование млади, спорт и култура на Европската комисија со конечно решение за извршување на 2,2 милиони евра.
Известување од европската канцеларија за борба против измами ОЛАФ со барање за поврат на 2,2 милиони евра од националната образовна агенција, наводно злоупотребени преку програмата „Еразмус плус“,пристигнало на крајот од минатата година.БИТИЌИ ВЕЛИ ДЕКА СО ВЛЕЗОТ ВО ЕУ ЌЕ ИМАМЕ ПРОСЕЧНА ПЛАТА ОД 1.300 ЕВРА
Со влезот во ЕУ просечната плата ќе изнесува 1.300 евра, вели вицепремиерот за економски прашања, Фатмир Битиќи.
Тој во интервју за „Слободен печат“, рече дека во програмата е предвидено во 2028 година просечната плата да изнесува 1.100 евра и таа ќе се зголеми за дополнителни 200 евра во првата година од влезот на државата во ЕУ, односно ќе биде 1.300 евра.
„Тоа се истите анализи со кои во 2020 предвидовме дека просечната плата во 2024 ќе биде 34.000 денари. Таа денес е 40.000, иако годината не е сè уште завршена. Затоа велиме дека при самиот влез во ЕУ просечната плата ќе достигне 1300 евра. Тоа е нешто што секој граѓанин го заслужува да го добие“, вели Битиќи.ЧИТАЈТЕ УШТЕ