ФАКТОР НА ДЕНОТ: Во Косово е уапсен Алил Демири, во Русија му оддаваат почит на Пригожин

Добивај вести на Viber

УАПСЕН Е АЛИЛ ДЕМИРИ НА КОСОВО

Уапсен е Алил Демири, еден од избеганите извршители на грозоморното убиство на пет невини лица кај Смиљковско езеро. 

КАСАМИ ДОБИ ПОКАНА ЗА НА СУД

Од Основен суд Тетово испратија покана до локалната самоуправа и бараат претставник на општината да дојде на судско рочиште на 15 септември поради сторен прекршок при пречекот на косовскиот премиер Албин Курти, односно неспроведување на Законот за употреба на грбот, знамето и химната.

МАКЕДОНСКИ ВОЗАЧ НА КАМИОН  ПОВРЕДЕН ВО ГРЦИЈА

Во пожарите во Грција, според досегашните информации добиени од надлежните институции на земјата, меѓу загинатите нема државјани на Северна Македонија. Има еден повреден државјанин на Северна Македонија, возач на камион чија приколка била опожарена додека поминувал преку подрачје зафатено со пожари, во близина на Александропулис, соопшти Министерството за надворешни работи.

БОРЦИТЕ ОД ВАГНЕР СЕ ПРОСТУВААТ СО ПРИГОЖИН

Вагнерците се збогуваат со нивниот лидер Евгениј Пригожин, а еден од нив клекна и плачеше. 

Борците на групата Вагнер и неколку десетици граѓани се собраа пред импровизираниот споменик на Евгениј Пригожин во неговиот роден град Санкт Петербург. Тој вчера загина во авионска несреќа близу Москва. 

„Тука сум да го почитувам споменот на Пригожин. Ја поддржувам неговата политика, Вагнер е праведен“, изјави млад човек кој застана пред седиштето на Вагнер и даде изјава за рускиот весник „Сота“.

ЧИТАЈТЕ УШТЕ

Се почитуваат ли законските одредби поврзани со пушењето цигари и останати производи од тутун или „дизгините“ се одамна изгубени? Граѓаните се почесто се жалат дека нема никакви граници, ниту бариери меѓу пушачите и непушачите и дека лицата кои решиле да не пушат, но и децата се пасивни пушачи бидејќи се пуши скоро насекаде. 

На Клиниката за детски болести, три дечиња со реткото заболување ахондроплазија веќе почнаа да го примаат лекот Восоритид кој беше набавен за прв пат во Македонија со јавна набавка.  Лекот е клучен за лекување на болестa и има ефект на стимулирање на развојот на пациентите со ахондроплазија, болест која се манифестира со застој во растот веднаш по раѓањето. Во изјава за Фактор, директорката на Детската клиника, проф. д-р Стојка Нацева Фуштиќ изјави дека клучно за добрите ефекти од овој лек е тоа што треба да почне да се прима на помала возраст, односно во период кога децата се уште растат.

Сведоци сме дека децата кај нас поминуваат многу време со телефоните во раце. На оваа тема често стручњаците упатуваат критики кон родителите. Но, треба да се разграничи употребата на телефонот за забава, за играње на игри, креирање профили на социјалните мрежи и реалната потреба од поседување телефон со цел родителот и детето да бидат во комуникација.