ФАКТОР НА ДЕНОТ: Вработени во „Водовод“ бараат разрешување на директорот или се закануваат дека Скопје ќе остане без вода
Објавено во: Македонија 21 Октомври, 2022
ВРАБОТЕНИ ВО „ВОДОВОД“ СЕ ЖАЛАТ ОД ДИРЕКТОРОТ
Сојузот на синдикати на Македонија до среда му даде рок на Град Скопје да го разреши директорот на ЈП Водовод и канализација - Скопје, Марјан Митовски. Тој е назначен на оваа функција пред само еден месец, откако претходно оставка си даде Златко Перински поради тендерски несогласувања.
Од таму велат дека новиот директор, кој го назначи градоначалничката Данела Арсовска, на 30-тина вработени им дал други работни задачи кои не соодветствувале со описот на нивното работно место.
Дека не се стручни за наметнатите задачи тие ги известите трудовиот и управниот инспекторат, но и решенијата кои пристигнале одтаму биле игнорирани од Митовски.ВО БЛАГОЕВГРАД СЕПАК ЌЕ СЕ ОТВОРИ МАКЕДОНСКИОТ КЛУБ
Градоначалникот на Благоевград Илко Стојанов се премисли и дозволи отворање на клубот „Никола Вапцаров“.
Клубот ќе биде отворен на 30 октомври. На свеченоста, според соопштението, поканети се и првите луѓе на македонската и на бугарска влада.
Клубот е основан од иницијативен комитет, во чиј состав е и Здружението за заштита на основните индивидуални човекови права, а ќе има за цел да ја развива македонската традиционална и модерна култура, да гради културен мост меѓу Македонија и Бугарија и да ги зајакне врските меѓу Македонците и Бугарите ширум светот, велат организаторите на настанот.РУСИЈА ПЛАНИРА ДА ПОПЛАВИ ТЕРИТОРИИ ВО УКРАИНА
Украинските власти велат дека Русија подготвува катастрофа.
Советникот на украинскиот претседател Володимир Зеленски, Михајло Подољак, денеска на Твитер објави дека Русија планира катастрофа во регионот Херсон.
Ова е вистинскиот „план на Суровикин“ за хидроцентралата Каковскаја:
ЧИТАЈТЕ УШТЕ