ФАКТОР НА ДЕНОТ: Зеленски задоволен од победата на Евровизија, а за Русија ова е провокација
Објавено во: Македонија 15 Мај, 2022
УКРАИНА ПОБЕДИ НА ЕВРОВИЗИЈА
Украина синоќа победи на Евровизија со песна која е посветена на сите мајки.
Од Калуш Оркестар објаснија за што точно станува збор.
„Песната беше посветена на мајка ми, по која го доби своето име, но сега таа е песна за сите мајки“, вели фронтменот Олех Псиук.
Авторот на песната раскажува колку неговата мајка се потрудила за него, а свесен е за нејзините борби низ кои морала да помине. Tие за песната имаат и спот со кадри од војната која во Украина почна на 24 февруари.ЗА РУСИЈА ПОБЕДАТА Е ПРОВОКАЦИЈА
Руските медиуми ја оспоруваат победата на оркестарот Калуш на Евровизија и за нив тоа е „кукавичка провокација“, „политички натпревар“, „театaр“.
Онлајн весникот ги пренесува изјавите на рускиот пејач Јудиф, кој учествуваше на Евровизија во 1994 година, според кои „победничката песна не е ремек дело, туку резултат на политиката“. Мислење го сподели и рускиот музички продуцент Јосиф Пригожин кој победата на Украина ја нарече „мал театар“.
Јелена Драпеко, поранешна актерка која сега седи во Думата, исто така ја смета Украина за политичка победа. „За мене Евровизија одамна престана да биде пеачко натпреварување, сето тоа е политичка акција во која настапот на уметниците не е релевантен за победата“, изјави таа за Газета.ру.ПЕТКОВ НЕ ДОАЃА ВО МАКЕДОНИЈА, ИМА НОВО БАРАЊЕ
Бугарскиот премиер Кирил Петков очекува Македонија да направи некаков вид институција при Владата токму за правата на Бугарите.
Вели дека бугарското вето ќе биде повлечено откако работата ќе биде завршена. Како што пренесува „Нова ТВ“, Петков кажал дека долгорочниот интерес на Бугарија се совпаѓа со интересот на Македонија, бидејќи, како што вели, никој не сака сосед кој не е во ЕУ и со затворени граници.
Петков нагласи дека неговата Влада нема да прави ништо без одлука на бугарскиот Парламент и ништо нема да биде сокриено од јавноста. Петков нема да ја посети Македонија наскоро, беше соопштено претходно.РУСИЈА СЕ ЗАКАНУВА НА ЗАПАДОТ
Властите во Русија се закануваат на западните држави.
Портпаролката на руското Министерство за надворешни работи, Марија Захарова вели дека Русија ќе одговори на сите дрскости или незаконски чекори на западните земји.
„Чекори кои се некаде груби, некаде едноставно надвор од законот и меѓународното право и нашите билатерални односи… Ние ќе одговориме на сето тоа“, вели Захарова.
Можеби ќе ве интересира
СОНЧЕВО И ТОПЛО, ПА ГРМОТЕВИЦИ: понесете чадори, во попладневните часови ќе има пороен дожд
Пендаровски: Нема предавање и откажување пред 8 мај по ниедна цена
Пендаровски се надева на гласовите од сите етнички заедници, Силјановска Давкова на победа со разлика од три спрема еден
СЕ СРЕТНАА МИЦКОСКИ И ТАРАВАРИ - се цртаат ли контурите на идната влада, кои се условите
Апасиев: Левица не е лажна опозиција, ние имаме светла иднина
СЕ ОГЛАСИ ЗОРАН ЗАЕВ: Ова се 15-те важни датуми од современата промоција на македонскиот јазик
ЗАГИНА СКОПЈАНЕЦ, А ПОВРЕДЕНИ СЕ СОПРУГАТА И ДВЕТЕ МАЛОЛЕТНИ ДЕЦА - МВР со детали за тешката сообраќајка
УШТЕ ДЕНЕСКА И УТРЕ ДА УЖИВАМЕ ВО УБАВОТО ПРОЛЕТНО ВРЕМЕ, А ОД СРЕДА... - еве какви се очекувањата
БЕШЕ ПРВАТА ЖРТВА ОД РАСПАДОТ НА ЈУГОСЛАВИЈА - триесет и три години од загинувањето на Сашко Гешовски од Кавадарци
