(ФОТО) ЛЕТУВАТЕ ВО СИТОНИЈА? Посетете ги овие плажи а и дивите не одминувајте ги!

Добивај вести на Viber

Ситонија е вториот крак од трозабиот полуостров Халкидики, кој за разлика од првиот, Касандра, е многу помалку посетен од туристи, а крие неверојатни убавини, особено за оние туристи што сакаат авантури.

Кога пристигнувате со автомобил на полуостровот Ситонија, прво ќе го здогледате малото селце Никити. Оттука, патот се дели на два дела – едниот продолжува право по западниот брег на Ситонија, а другиот ве води лево, кон источната страна.

Без разлика во која насока возите – јужно кон Торони или пак источно кон Сарти, патот, речиси без исклучок, го следи брегот и ви отвора неверојатни пејзажи. Многу често од страната на морето ќе здогледате мали, земјени патчиња што се исклучуваат од главниот пат.

Ако свртите по нив, ќе стигнете до една од стотиците мали, диви плажи, што се вистинско богатство на Ситонија. Секако, препорачуваме внимателност, бидејќи тие патишта не се секогаш  во добра состојба, но откако ќе пристигнете на плажата, ќе заборавите на сите попатни проблеми, бидејќи ќе бидете воодушевени од беспрекорната убавина на дивата страна на Ситонија.

Ова се дел од плажите кои ви пепорачуваме да ги посетите на овој крак

Armenistis

Една од најубавите плажи вО грција. Има 600 метри ситен песок и неверојатна тиркизна боја. На плажата можете да пронајдете и интересни барови, па дури и камп.

Kavourotrypes (Orange Beach)

Ова не е една, туку повеќе километри помали плажи и лагуни. Orange има неколку барови, лежалки и чадори. Обично привлекува млади лица и кампери кои шаторите ги распостелуваат во близина на боровата шума.

Sykia

Популарна меѓу камперите, оваа плажа има 1,5 км долг брег и прекрасен песок. Посетителите обично се собираат во барови во кои може да изнајмите лежалки и чадори.

Kriaritski

Не е така лесно да седојде до неа, па многу туристи и не знаат дека постои. На неа доминираат карпи и камења, па ќе имате чуство дека се наоѓате на некој грчки остров. Таа е најблиска до Света Гора, а набљудувањето на заоѓањето на сонцето од некоја карпа може да биде незаборавно.

Kalamitsi

Оваа плажа се состои од три преубави лагуни, од кои една е претворена во камп, другата (средна) има хотели, а третата - ништо. И навистина третата е наменета за нудисти.

Tristinika

Северно од Торони се наоѓа 1,2 км долгата плажа прекриена со бел песок. Освен камп и бара на неа, нема речиси ништо. Ако ја посетите вон сезона, нема да најдете ни многу луѓе.

Lagomandra

Фина песочна плажа поделена на три одделни целини. Таа има апсолутно се-борова шума, во која може да се сокриете од сонцето, ресторани, и плажи како и организирани водени спортови.

Kalogria

Оваа плажа долга 600 метри е обиколена со борова шума. Многу е популарна, па е подобро да ја посетите во раните утрински часови. На неа може да се изнајмат лежалки, а на јужниот дел има повеќе плитки места па е погодна за одмор со деца.

Agios Ioannis

Оваа плажа е долга 700 метри и има фин песок кој им се допаѓа воглавно на младите посетители. Ако одлучите да ја посетоте, задолжително понесете си нешто за јадење, бидејќи во баровите нема да најете ништо од тоа.

Бидејќи е свртена кон југ, водата е многу топла. Многумина ја сметаат за најубава плажа на Ситонија.