(ФОТО) МНТ ПОКИСНАТ: Таванот на зградата што чинеше 38 милиони евра попушти од дождовите
Објавено во: Економија 02 Декември, 2017
Специјален тим за проценка на изведбата на МНТ и одговорност за сите. Ова денеска го најави министерот за култура Роберт Алаѓозовски кој покрај објавите на социјалните мрежи постираше и фотографии.
Скапите лустери за кои министерот вели дека се сваровски се покснати. Нивниот гламурозен изглед сега се беси од покиснатиот таван.
Дождовите кои го зафатија главниот град навлегоа во Македонскиот народен театар.
Зградата која е стара само четири години, на неколку места прокиснала. Ова не се случува прв пат, велат вработени во театарот. В.д директорот Драган Спасов-Дац вели дека прокиснува фоајето, сцената и во просториите кај машинскиот дел.
Изградбата на театарот беше дел од проектот „Скопје 2014“ и ја чинеше државата 38 милиони евра.