(ФОТО) Пристигна и вториот модерен воз – еве каде ќе сообраќа
Објавено во: Стил 11 Февруари, 2016
Вториот од шесте кинески патнички возови пристигна на Македонски железници. Новиот патнички воз има капацитет од 200 патници, а ќе сообраќа на релација Скопје-Битола.
Според министерот за транспорт Мисајловски, согласно договорот, до крајот на април ќе пристигнат и останатите возови.
Во понеделникот првиот воз започна со редовен сообраќај на линиите од Скопје за Велес во 9 и 13,20 ч., од Велес за Скопје во 11,50 и 14,25 ч. и од Скопје за Табановце во попладневните часови.
Возовите имаат електронска табла за управување, камери наместо ретровизори, монитори за кабината на машиновозачот, климатизирани вагони, електронски дисплеи за означување на станиците, и вакуум-тоалети.
За набавката на новите возови ќе бидат потрошени 25 милиони евра, а производител на новите возови е кинеската компанија „ЦСР“