ГЕНЕРАЛИ ИНВЕСТМЕНТС: Глобалната економија останува релативно слаба

–Евтините пари продолжуваат да бидат движечката сила на пазарите. Растат претежно технолошките компании и други акции врзани за најновата технологија и купување преку интернет, а Apple и Tesla се издвојуваат во последната недела. Проблемот со овие акции е тоа што во многу случаи имаат високи евалуации иако некои нема да остварат профит уште неколку години. Затоа ризиците се зголемуваат. Ова ја покажува јачината на релаксираната монетарна политика или од друга страна инфлацијата на пазарите на капитал. Јазот меѓу 10-те најголеми компании во САД и останатите компании се шири. Apple стана првата компанија што ја надмина вредноста од 2 трилиони. Бидејќи Европа нема огромни технолошки компании, одговорот на берзата е послаб. Причините може да се најдат и во силното движење на еврото во однос на доларот бидејќи девизниот курс се движеше од 1,10 долари за евро на 1,18 долари за евро за само неколку недели, каде очигледно се соочи со посилен отпор. Ова ги зголеми стравувањата кај инвеститорите дека овој потег ќе има подлабоко влијание врз деловните резултати на европските извозници.

-Како во САД така и азиските технолошки акции се блиску до или на нови рекорди иако американската политика на дневна основа предвидува и воведува нови мерки против технолошкиот сектор во Кина. Најсилна закана е отстранување од котација од најголемиот и најтранспарентен пазар во светот (САД), што засега не влијае значително на кинеските акции. Компаниите за интернет продажба како Alibaba и JD.Com постигнуваат рекордни резултати и цените на берзите се зголемуваат. Пазарите на обврзници не забележаа големи промени во последните недели, со купувањето на централните банки за обезбедување ликвидност и ниски каматни стапки се повеќе се појавува прашањето за тоа што сè уште е на располагање што не носи негативен годишен приход од 0,50%.

Совети за инвеститорите:

-Ги задржуваме препораките кои ги повторуваме со недели. Одредени индустрии и акции се многу скапи (и стануваат уште поскапи), но со слични скапи обврзници и негативни банкарски инструменти инвеститорите немаат вистинска алтернатива. Сега не е време за екстреми во портфолијата. Препорачуваме диверзификација на средствата во портфолијата. Не се препорачува целото портфолио да биде инвестирано во акции, во обврзници ниту пак во пари. Ликвидносната поддршка за обврзниците и за акциите продолжува и го принудува растот на цените особено на акциите, но намалувањето или повлекувањето на оваа поддршка може брзо да донесе силна корекција. Трендот на раст на пазарите може да продолжи, но сепак и покрај подобрите податоци глобалната економија останува релативно слаба и иднината нејасна, а политичката неизвесност особено пред изборите во САД и растечките тензии меѓу САД и Кина расте. Затоа е неопходен избалансиран пристап кон инвестициите, со фокус кон индустриите кои подобро ја преживеале оваа криза и каде вреднувањето не е претерано. Тука се вклучуваат компаниите од здравствената заштита, потрошувачка и нега, како и технологија, но делови од оваа индустрија се скапи и покрај натпросечниот раст. Затоа, советуваме поголема претпазливост кај акциите од технолошкиот сектор. Инвеститорите кои се изложени на технологија над просекот треба да размислат за повлекување на дел од нивните профити и да извршат реструктурирање на портфолиото. Пазарите остануваат непредвидливи и очекуваме на есен да расте нестабилноста. Диверзификација на портфолио е од суштинско значење за намалување на ризикот. Долгорочните инвеститорите треба да продолжат со периодични вложувања, а оние што би вложиле поголема сума треба да ја распределат во подолг временски период. Пазарите може да продолжат да растат бидејќи стимулативните мерки продолжуваат, но не се исклучуваат длабоки привремени корекции. Епидемиолошките трендови во последните недели не се добри, меѓународните односи се повеќе се заоструваат, а умерениот оптимизам на пазарите може лесно да премине во песимизам, што исто така ќе доведе до посилна корекција на прегреаните берзи. Бидејќи цените на некои акции пораснаа нагло во последните неколку месеци, а евалуациите се високи, профитот на хартија е голем, па можното менување на трендот ќе донесе до брза и длабока корекција. Да не ја заборавиме старата берзанска поговорка дека оној кој ќе ја реализира добивката, тешко пропаѓа.