Германија сè уште не го сака Балканот во Шенген
Објавено во: Балкан 16 Септември, 2017
Во моментов е најважно да се стабилизира и сплоти Европската унија, а исто така да се зајакне заштитата на надворешните граници, смета министерот за внатрешни работи на германската пповинција Долна Саксонија Борис Писториус во интервју за агенцијата ДПА.
Министрите за внатрешни работи на германските федерални провинции се против предлогот на претседателот на Европската комисија, Жан-Клод Јункер за проширување на Шенген зоната за слободно движење. Во моментов, овој чекор е несоодветен, рекол Борис Пистој, член на Германската социјалдемократска партија.
"Додека не стане јасно како ќе организираме сигурна заштита на европските граници, не можеме да прифатиме повеќе земји во Шенген зоната", вели Писториус.
Новите земји можат да ги создадат истите проблеми кои во моментов ги создаваат земјите кои се граничат со учесниците во Шенгенскиот договор, убеден е министерот за внатрешни работи на Долна Саксонија. Според него, сега е многу поважно да се стабилизира Европската унија и повторно да се обединат европските земји.
Во предлозите на Јункер има одреден потенцијал, но поединечни детали на овој план треба да се подложат на критичка анализа, смета министерот за внатрешни работи на провинцијата Саксонија и член на Христијанско-демократскиот сојуз Маркус Улбиг. За возврат, министерот за внатрешни работи на Баварија Јоаким Херман од Христијанско-социјална унија е убеден дека проширувањето на Шенген зоната е можно само по "многу строга проверка" на редниот кандидат.
Шенгенскиот договор веќе ги вклучува земјите кои "не можат и не сакаат да ги заштитат надворешните граници на ЕУ". На 13 септември, Жан-Клод Јункер излезе во Европскиот парламент со годишна порака "За состојбата на ЕУ". Тој рече дека се неопходни промени во административните структури на организацијата. Јункер предложи да се воведе единствена валута на целата територија на ЕУ и да се прошири Шенген зоната, а во неа се вклучат балканските држави Бугарија, Романија и Хрватска.