Ѓукановиќ: Само членството во ЕУ и НАТО може да ги спречи идеите за „големи држави“ на Балканот
Објавено во: Балкан 07 Јуни, 2017
Затворањето на европската перспектива за Западен Балкан ќе ја зголеми опасноста од создавање на големи држави во регионот, вклучувајќи ja и „Голема Албанија“. Ова предупредување го упати долгогодишниот премиер и претседател на Црна Гора, Мило Ѓукановиќ, во интервју за австриската телевизија ORF.
„Многу отворено и доста пријателски разговарам со раководствата во Тирана и Приштина. Убеден сум дека и во Тирана и во Приштина веруваат во важноста на европската идеја и евроатланска интеграција. Поради оваа причина сметам дека е потребно да се нагласува близината на европската перспектива за сите земји од Западен Балкан, бидејќи тоа само по себе ќе ги направи идеите за големи држави“, рекол Ѓукановиќ, кој смета дека Западен Балкан е дел од европската култура.
Ако побарате голем дел од Црногорците, тие ќе ви одговорат дека Црна Гора не треба да биде дел од НАТО. Тие ќе ги аргументираат нашите традиционално блискиодноси со Србија и Русија, со бомбардирањето на НАТО врз СРЈ, што се должи на погубните политики на Слободан Милошевиќ“ посочил уште Ѓукановиќ и додал: „Поради оваа причина ја сметам за исклучително важна улогата што ја имаат проевропските влади во Западен Балкан. Многу е важно напорите на овие влади да бидат поддржани од НАТО и ЕУ„. Според него членството на Црна Гора во НАТО е добра порака за другите земји од регионот.