Големи очекувања од средбата Заев и Ципрас
Објавено во: Македонија 15 Јануари, 2018
Грчките медиуми наголемо пишуваат за средбата меѓу премиерите Заев и Ципрас која на 24 јануари треба да се одржи на маргините на Светскиот економски форум во Давос и тврдат дека разговорите за решение на спорот за името од преговарачко ниво со Нимиц, па министерско ниво со Димитров и Коѕиас ќе се издигне и на премиерско ниво.
Можноста за средба меѓу македонскиот премиер Зоран Заев и грчкиот Алексис Ципрас постоеше подолго време, но официјална потврда се уште немаше пристигнато од ниту една страна со цел да се види како ќе тече веќе започнатиот процес на зачестени државни средби пред се на ниво на министри за надворешни работи, а секако тука е и посетата на вицепремиерот за евроинтеграции Бујар Османи.
Грчките медиуми пренесуваат дека на средбата во Давос, Заев и Ципрас ќе разговараат токму за напредокот во меѓусебниот спор и прогнозираат дека ќе се разговаре за конкретно решение иако и двете дипломатски служби на Македонија и Грција се претпазливи со ваков вид на формулации, но оптимизам постои и кај двете страни за самиот процес кој сега е во тек.