ГОРИВАТА ПОЕВТИНУВААТ: Ќе се точат за половина денар пониски цени

Добивај вести на Viber

Регулаторната комисија за енергетика донесе одлука за намалување на малопродажните цени на нафтените деривати во прoсек за 0,69 отсто во однос на малопродажните цени на нафтените деривати утврдени.

Од вечерва на полноќ малопродажните ценина ЕУРОСУПЕР БС-95, ЕУРОСУПЕР БС-98, ЕУРОДИЗЕЛ (Д-Е V) се намалуваат за 0,50 денар/литар и ќе изнeсуваат:

ЕУРОСУПЕР БС-95 за 57,00 ден/лит, за ЕУРОСУПЕР БС-98 ќе биде 59,00 ден/лит, ЕУРОДИЗЕЛ (Д-Е V) 49,00 ден/лит.

Малопродажната цена на Екстра лесното масло за домаќинство (ЕЛ-1) останува на исто нивокако и во одлуката од 26.05.2020 година и ќе изнесува3 7,50 ден/лит.

Малопродажната цена на мазутот М-1 НС се намалува за 0,167 ден/кг и ќе изнесува 23,260 ден/кг.

Од 02.06.2020 година максималните цени на  нафтените деривати ќе изнесуваат:

Моторен бензин  ЕУРОСУПЕР БС - 95  57,00(денари/литар)

Моторен бензин  ЕУРОСУПЕР БС -98  59,00(денари/литар)

Дизел гориво  ЕУРОДИЗЕЛ БС (Д-Е V)  49,00(денари/литар)

Масло за горење  Екстра лесно 1 (ЕЛ-1)  37,50(денари/литар)

Мазут М-1 НС    23,260(денари/килограм)

„Напоменуваме дека ова се максималните цени на нафтените деривати од 00:01 часот на 02.06.2020 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.

Референтните цени на нафтените деривати на светскиот пазар во споредба со изминатиот седумдневен период бележат намалување и тоа кај бензинот во просек за околу 1,89%, кај дизелот има намалување во просек за околу 2,594%, кај екстра лесното масло намалувањетое во просек за околу 0,264%  и кај мазутот намалувањето е во просек за околу 0,558% .

Во истиот период курсот на денарот во однос на долароте понизок за 0,464%.

Согласно Методологијата за формирање на цените, вклучени се сите овие влезни параметри и извршено е соодветно прилагодување.