ГРЧКИ ИНВЕСТИЦИИ ВО МАКЕДОНИЈА: Kолку вложиле во првите шест месеци?
Објавено во: Економија 02 Октомври, 2017
Грците оваа година повеќе инвестирале во Македонија од лани.
Директните грчки инвестиции во земјава во првите шест месеци од годината изнесуваат 2,86 милиони евра.
Грција според овие податоци се најде на седмото место меѓу странските инвеститори во државата, објави Нафтемборики.
Весникот пишува дека податоците ги обезбедиле Бирото за врски и Бирото за трговско-економски прашања на Грција во Република Македонија.
Во текстот се наведува дека грчките инвестиции во Македонија во првата половина од 2017 година се поголеми во однос на минатата година.
Минатата година вкупната сума на инвестиции изнесувала 0,96 милиони евра. На прво место на странски инвестиции во Македонија е Австрија со 27,3 милиони евра, пишува весникот Нефтемборики.