Грчките фармери се заканија со нови протести-можни блокади и кај Дојран
Објавено во: Балкан 08 Февруари, 2017
Грчките земјоделци побараа од владата во Атина до четврток (03.02.) да организира средби со соодветните ресори министри, на кои ќе бидат разгледани барањата на демонстрантите.
Фармерите кои блокираат неколку гранични премини на нашата граница и на границите со Бугарија, протестираат против предвидени промени во системот на социјална помош и зголемување на даноците во секторот.
Тие предупредија денеска дека ако властите не го почитуваат поставениот рок, ќе ги зголемат протестите.
Тие планираат да го блокираат преминот на Сехово (Идомени) или Дојран на грчко-македонската граница.
„Ако грчката влада до утре не даде точен датум за средба, ќе ги потврдиме нашите позиции“, рече синдикалниот лидер Ахилеас Камбурис.
Демонстрантите веќе предизвикуваат сериозни проблеми со своите постапки во последните две недели, блокирајќи некои клучни автомобилски правци по кои се превезува стока за Бугарија, Албанија и Македонија.