Груевски сам дојде на протестот пред затворот Шутка
Објавено во: Македонија 10 Декември, 2017
Лидерот на ВМРО-ДПМНЕ, Никола Груевски, денеска присуствуваше на протестот пред истражниот затвор во Шутка против проведувањето на дел од учесниците на настаните од „крвавиот четврток“.
Овој пат Груевски пристигна сам со член на своето обезбедување на протестот, што не беше пракса претходно.
Членовите и симпатизери на ВМРО-ДПМНЕ протестираа против неоснованото притворање на пратеници и уменици. Пред присутните прв говореше Бојан Стојановски кој го обвини премиерот, Зоран Заев дека е сценарист на политичкиот прогон, со цел да ја разедини и ослабне ВМРО-ДПМНЕ.
„Хунта не се полицајците, тоа се Зоран Заев, Оливер Спасовски и неколку лица кои се компромитирани, а се во врвот на МВР и чиј ментор е Александар Верушевски. Сценаристот и Зоран Заев мислат дека ако Никола Груевски не биде присутен на политичката сцена ќе го нема сѐ она што преставува тој. Би сакал да им кажам, и да биде така Никола Груевски како концепт и како начин на однесување ќе биде присутен надграден и проширен во секој член на ВМРО-ДПМНЕ. Односно, членовите на ВМРО-ДПМНЕ никогаш нема за некои други интереси да ја виткаат кичмата“- рече Стојаноски член на ВМРО-ДПМНЕ.
Партијата денеска треба да оддржи седница на Централниот комитет, кој треба да го свика вонредниот конгрес на 23 декември во Валандово, на кој, пак, треба да се потврди оставката на Груевски и да се избере нов партиски лидер.