Груевски вчера се сретнал со Борисов-Глуми ли екс премиерот загриженост од договорот кој треба да се потпише на Илинден?

Добивај вести на Viber

Бојко Борисов и лидерот на ВМРО-ДПМНЕ Никола Груевски одржаа кратка средба во Брисел по средбата на Европската народна партија (ЕПП). Средбата беше посветена на потребата Македонија да биде примена во НАТО и ЕУ. 

„Не сфатив ништо од она што беше договорено на состаноците во минатите два дена во Софија и е нормално нашето општество и ние како опозиција да го дознаеме тоа од тековниот премиер на Македонија“, истакна поранешниот премиер по средбата со Борисов. Тој додаде дека Борисов ги знае позициите на ВМРО-ДПМНЕ. 

„Го потврдувам ставот на ВМРО-ДПМНЕ по прашањето за договорот за пријателство со Бугарија, кој треба да се потпише, но се разбира, треба да се внимава што ќе содржи тој, за да нема во иднина последици ниту за Бугарија, ниту за Македонија, македонскиот народ и македонски јазик“, истакна Груевски.

Партијата на Груевски веќе објави дека е силно загрижена од активностите на македонскиот премиер и нејасноста околу договорот со Бугарија.

„Зоран Заев е сериозен ризик за македонските национални интереси, ВМРО-ДПМНЕ прашува каде тој гледа национализам и омраза во однесувањето на Македонија? Сакаме да се претстави договорот што треба да биде потпишан на 2 август во Македонија“, соопштија од партијата на Груевски.