ХРАНАТА СЕ ПОСКАПА: Зошто скокаат цените на маслото, шеќерот, млекото?
Објавено во: Економија 04 Декември, 2020
Храната поскапува во светски рамки.
Во ноември цените се највисоки во последните шест години.
Индикаторот го забележа најсилното месечно зголемување од јули 2012-та година, според податоците на Организацијата за храна и земјоделство ФАО на ООН. Индексот на цени на житарките порасна за 2,5 отсто во ноември во споредба со претходниот месец и сега е близу 20 отсто над нивото од лани. Цените скокаат поради зголемувањето на цените на растителното масло за дури 14,4 отсто на месечно ниво, главно, поради порастот на палминото масло како резултат на наглиот пад на глобалните резерви. Просечните цени на шеќерот во ноември скокнаа за 3,3 отсто на месечно ниво, поради лошите временски услови на изгледите за жетва во ЕУ, Русија и Тајланд. Индексот на млечните производи се зголеми за 0,9 отсто. Индексот на месото се зголеми за 0,9 отсто на месечно ниво, со што се означи крајот на серијата од два последователни месеци на пад.
Изминативе месеци маслото за јадење и шеќерот скокнаа.