Македонска вода ќе се пие во ЕУ
Хрватска компанија во дебарско отвора фабрика за флаширана вода
Објавено во: Економија 19 Септември, 2016
Концесионерот на поздемна вода MЛ-Гари заедно со хрватската компанија Мали Лошињ денеска ќе ја отворат новата фабрика.
Имено, таа се наоѓа во близина на дебарското село Гари а водата ќе го носи името MAYA.
Хрватската компанија „Мали Лошињ“ во 2012 најави дека ќе инвестира околу пет милиони евра во изградба на фабрика за пакувана вода во дебарското село Гари, со годишен капацитет од 100 милиони литри, и ќе отвори над 70 работни места.
Лиценцата за експлоатација на подземни води на управителот на компанијата Дражен Балиќ во Владата тогаш му ја врачи министерот за економија Ваљон Сараќини.
Локацијата за концесија е во близина на селото Гари, а халата за производство на пакувана вода за пиење ќе биде лоцирана пет километри пред селото, покрај регионалниот пат Бошков мост - Извор.
Производната хала ќе биде со површина од 2.200 квадратни метри и ќе има свој производен и магацински дел, со управна зграда, како и дополнителни простории како лабораторија, кантина и друго.