И Ердоган исплива од скандалот со „Рајски документи“
Објавено во: Балкан 07 Ноември, 2017
Откако вчера стана јасно дека британската кралица Елизабета II, американскиот претседател Доналд Трамп, неговиот руски колега Владимир Путин и канадскиот премиер Џастин Трудо се поврзани на некој начин со офшор шеми, денес излезе и името на турскиот претседател Реџеп Таип Ердоган. Од објавените милиони документи, дел од дипломатската новинарска истрага Paradise Papers, "Џумхуријет" открил офшор сметки поврзани со турскиот министер за енергетика Берат Албаирак кој е зет на Ердоган, и постариот брат Серхат Албаирак.
Во времето кога Берат Албаирак и неговиот брат ја раководеле турската компанија "Чалик холдинг" биле создадени многу офшор компании поврзани со холдингот, пишува весникот. Серхатот Албајкр бил лично директор на една од овие компании.
Според документите братот на турскиот министер за енергија е поврзан со офшорка во Малта - "Фрокс интернешенел трејдинг". Оваа компанија беше основана во јануари 2003 година и била активна до септември 2009 година. Во исто време Серхат Албаирак бил генерален директор на "Чалик холдинг" - до 2007 година, а потоа таа должност ја презема актуелниот министер за енергетика Берат Албаирак .
Пред тоа стана познато дека и осум компании поврзани со семејството на турскиот премиер Бинали Јилдирим, се базирани во офшор даночно прибежиште Малта. Според „Paradise Papers“ овие компании се поврзани со синовите, чичковци и внуци на премиерот на Турција. Пет од компаниите се во сопственост на неговите синови - Еркам и Булент Јилдирим, пишува "Хуриет дејли њуз".