И шпанската банка CaixaBank го сели своето седиште од Каталонија
Објавено во: Свет 06 Октомври, 2017
Шпанската банка CaixaBank го преселува своето седиште од Каталонија во Валенсија, објавија агенциите АФП и Ројтерс.
CaixaBank е трета најголема банка за активи во Шпанија.
Веста беше потврдена од финансиската институција која наведува дека донела одлука "во светлината на тековната политичка и социјална ситуација во Каталонија".
Неколку компании со седиште во Каталонија веќе одлучија да ја напуштат областа што се подготвува да прогласи независност.
Меѓу нив е пример шпанската енергетска компанија Gas Natural која одлучила да се пресели од правната адреса од Барселона во Мадрид, информира извор, цитиран од агенциите.
Шпанската влада денеска донесе декрет со кој им се олеснува на компаниите да ја сменат правната адреса.
Мерката е поврзана со ситуацијата во Каталонија и ќе им овозможи на компаниите со седиште во регионот да ја пренесат правната адреса во друг ентитет на земјата, без да е потребно да свикуваат вонредно собрание на акционерите.
Шпанските власти одлучија да го прифатат указот, откако голем број на компании изразија желба да ја променат адресата поради нестабилноста во Каталонија. Вчера една од најголемите банки во земјата - Sabadell, ја пренесе правната адреса од Каталонија во градот Аликанте, автономна област Валенсија.
Мерката нема да има директни последици за работните места или средствата на компаниите, но се оценува како удар против каталонските власти.
За независност на Каталонија се изјасниле 90,18% од гласачите на референдумот на 1 октомври, пренесоа уште светските агенции. Тие се осврнаа на конечните резултати од пописот објавен денеска од страна на владата на Шпанската автономна заедница.