ИАБ панел-дискусија: Дигиталните буџети мора да растат соодветно на важноста која ја имаат дигиталните медиуми!
Објавено во: Мои пари 10 Септември, 2019
Минататиот четврток во хотел Double Tree by Hilton во Скопје се одржа отворена панел-дискусија на тема “Перспективи во развојот на дигиталниот пазар во Македонија” во организација на ИАБ Македонија, асоцијацијата која ги обединува најголемите интернет портали, маркетинг агенции и огласувачи во земјава.
На настанот присуствуваа преку 50-тина претставници на компании, медиуми и агенции, кои споделија мислења и предлози на повеќе точки меѓу кои: соодносот на буџетите за огласување во телевизиите наспроти интернет порталите, развојот на дигиталниот пазар низ годините, можностите кои се отвораат со Google AdSense, справувањето со лажните вести, процесот за саморегулација и регистар на портали кои го прифаќаат Етичкиот Кодекс на ИАБ, односот институции-интернет медиуми и сл.
Модератор на настанот беше Претседателот на ИАБ Македонија, г-дин Борис Ефтимовски, кој пред почетокот на дискусијата одржа презентација на која информираше за истражувањата во однос на буџетите во дигиталниот пазар наспроти буџетите во телевизискиот пазар и истражувањата во врска со волуменот на конзумација на онлајн медиумите и довербата која публиката ја има во нив, наспроти конзумацијата и довербата во традиционалните медиуми.
Панелисти на настанот беа г-дин Александар Манев од Фактор Портал, г-ѓа Сашка Николова од агенцијата Медиа План и г-дин Дарко Лазаревски од Кајгана Медиа. Во дебатата активно се вклучија и од присутните гости како репрезенти на некои од клучните огласувачи, институции и агенции кои се дел од медискиот и дигиталниот еко-систем во државата, како и претставници на сродни медиумски здруженија.
Генералниот заклучок за кој сите се согласија е дека огласувачите мора поагилно да ги насочат своите буџети кон интернет медиумите со што ќе го следат зголемениот обем на внимание и конзумација кој овој вид на медиуми го има кај македонската публика.
Истовремено, интернет порталите, преку асоцијацијата ИАБ, треба да продолжат да работат на темата саморегулација и да промовираат позитивни практики на работа со што ќе направат дистинкција помеѓу професионалните портали и оние наменските кои генерално се користат за неетичка пропаганда.
Можеби ќе ве интересира
Одбројуваме уште 15 дена до Конференцијата за комерцијални недвижности
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
