Има ли пилот во авионот? Нема, ама нема ни патници
Објавено во: Економија 08 Август, 2017
Технолошките компании се подготвени да развијат софтвер со кој на авио превозниците ќе им овозможат развој на авиони без пилоти. Можеби звучи како шегата од познатата филмска пародија „Има ли пилот во авионот“, но прашање е кој навистина би сакал да лета со таков вид на авиони кои самите се управуваат. Дали воопшто некој би се осмелил воопшто да издаде дозвола за оперирање на беспилотни авиони кои би се управувале далечински со смарт софтвер.
Ова ќе бидат сериозни прашања за дебата кои се очекува да се отворат во наредните десетина година бидејќи технологијата неизбежно е дека ќе се развива во тој правец што може да се види од рапидниот развој на дронови и автомобили со софтвери за асистенција на возачите како и целосно самостојни автомобили за сообраќај на Google и транспортни камиони без шофери на Waymo.
Авио компаниите секако, би сакале авиони без пилоти бидејќи на тој начин драстично би ги намалиле трошоците за плати. Според повеќе анализи се очекува професии како шофери и пилоти да се намалат драстично во наредните децении со тоа што би биле заменети само со софтверски оператори. Но, да се добие довербата на јавноста и патниците ќе биде многу тешко, без оглед колку и новите технологии да се сто посто безбедни и сигурни.
На крај математиката ќе се сведе на следново, авио компаниите ќе ги намалат трошоците сигурно, можеби на почеток дел од патниците ќе негодуваат и ќе одбегнуваат да летаат, но падот на корисници нема драстично да влијае на приходите. Според анализите на UBS авио компаниите би заштедиле неверојатни 35 милијарди долари годишно со беспилотните авиони.
Х.С.