ИМА ЛИ РАЗИДУВАЊА ВО ВЛАСТА - кој сака а кој не да се зголеми повратот на ДДВ
Објавено во: Финансии 25 Јануари, 2020
Додека скенирачите на фискали сметки се „острат“ за новата тура пари кои треба да легнат на нивните трансакциски сметки, што се очекува во февруари, нејасно е дали ќе успее идејата за зголемување на процентот на поврат на ДДВ, кој сега изнесува 15 отсто.
Од Министерството за финансии неодамна за Фактор децидно изјавија дека процентот останува 15 отсто, односно тој давал добри резултати, заедно со наградната игра, па Владата немала намера да ги менува сегашните правила на игра.
Тогаш од Финансии рекоа дека „оној што се залага за пораст на процентот на поврат, треба да излезе и тоа јавно да го каже“.
Јавно никој не кажува, но се дознава дека од одредени владини кругови имало идеја процентот на поврат да се зголеми, а за сметка на тоа да се тргнат или да се намалат наградите од наградната игра. Тоа би довело до можност редовните скенирачи да добиваат кај себе повеќе пари како поврат, наместо „среќниците“ на кои ќе им се падне награда до наградната игра.
А дека првата дама во финансии Нина Ангеловска верува во мерката и наградната игра такви какви што се сега, покажуваат и бројни нејзини објави на социјалните мрежи.
Таа неодамна на инстаграм објави фотографија како скенира фискална сметка од локал во кој е излезена, и на тој начин, како што наведе, и таа станува една од 200.000 граѓани во земјава кои скенираат и на тој начин се борат против сивата економија.
„Над 200.000 граѓани учествуваат во борбата против сивата економија која е штетна за растот и напредокот на нашата земја. Додека учествуваат имаат можност да бидат наградени за тоа и остваруваат право на поврат на ДДВ.
Ако се уште не сте се приклучиле симнете ја мобилната апликација и придружете се во борбата против неплаќачите.
Наградниот фонд на #МојаНаграда е 500.000€ а секој ден се доделуваат х10 наради, секој месец х15 наради од 100.000 денари и 2 главни награди од х3.000.000 денари ќе се доделат во текот на играта“, напиша Ангеловска на својот инстаграм профил.
Можеби ќе ве интересира
ЗА ЕДНА ГОДИНА СЕ ДУПЛИРАЛ БРОЈОТ НА МИЛИЈАРДЕРИ ВО СВЕТОТ НА КРИПТОВАЛУТИТЕ: Најбогатите одат во затвор
СЕ ПОВЕЌЕ ЛУЃЕ ГИ КОРИСТАТ КАРТИЧКИТЕ И ЗА СТАВАЊЕ ПАРИ НА СМЕТКА – расте учеството на пластиката во секојдневните активности на граѓаните
КАКО ПРОПАДНА БОИНГ! Градеа репутација со децении, а потоа им дојде овој авион! Кошмарот продолжува, загуби во милијарди
БАНКРОТИРАШЕ ПОЗНАТА БАНКА! СУДБИНАТА НА МНОГУ КЛИЕНТИ ВИСИ НА КОНЕЦ - еве што можат да очекуваат после колапсот
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
